IBILALDI GIDATUAK ASTOEKIN

Astoak izaki xarmagarriak dira, jakin-minez beteak, eta jende gehienak hala usteko ez lukeen arren, abenturazale porrokatuak. Lo egiteko lekua eskaintzen dizugu, bai eta egun bateko edo bat baino gehiagoko txangoak ere.

ZER EGITEN DUGU?

BIZITZAN, PARTEKATZEA DA FUNTSEZKOENA

Uste dut nire bidelagunak, astoak, unikornioak baino magikoagoak direla eta esperientziagatik kobratuko banu magia hori nolabait galdu egingo zela.

NOLA FUNTZIONATZEN DUGU?

Astoek lan dezente ematen dute eta albaitariarenera ere joan behar izaten dute tarteka; beraz, lan hau egiten jarraitzeko aukera badut, zure aurretik etorritakoen eskuzabaltasunari esker da.

Normalean eskaintzen dudan mendi-ibilaldian otordu oparo bat eta zenbait jarduera sartzen dira eta lau eta sei ordu bitarteko iraupena du. Beste edozein lekutan 50 eurotik gorako prezioa izango luke horrelako txango batek, baina, gurean, zure esku dago zenbat ordaindu erabakitzea.  Gogoan izan eskatzen dudan gutxieneko bakarra zure parte-hartzea eta irribarre bat dela. Horra hor nire eskaintza! 🙂

Nik, nire aldetik, atea beti zabalik egoteko ardura hartzen dut, bidaiari guztien, dirudun  zein txiroen, estalpe izan dadin.

Gozatu bidaiaz eta ondo ibili!
Phil, Matheu, Momo, Django eta Tximis

BLOG

Astoaren eremua

Landan ahalik eta eragozpen gutxien eta motorrik gabe paseatzea errazten duen edozein bitartekoren alde nago. Kanoak, eski nordikoak, mendiko bizikleta edo belaontzia dira nire garraiobide gogokoenak. Horiek guztiek naturan zehar igarotzea errazten dute. Astoek ere bai. Mendixka eta haranetan zehar mugitzeko aukera ematen digute, erromesek eta nomadek mendeetan zehar egin duten bezala. Astoekin bidaiatzea denboran […]